Ambasada e Shteteve të Bashkuara të Amerikës në Kosovë, ka reaguar ndaj dorëheqjes së Ramush Haradinaj nga posti i kryeministrit.
Përmes një postimi në faqen zyrtare në Facebook, Ambasada thekson se po e shikojnë me vëmendje se si Kosova po ballafaqohet për herë të parë me dorëheqjen e kryeministrit.
Më tej, në reagim thuhet se si do të trajtohet kjo çështje, do të tregojë forcën e institucioneve të Kosovës dhe gatishmërinë e zyrtarëve për t’iu përmbajtur Kushtetutës dhe ligjeve.
“Duke parë me vëmendje se si Kosova po ballafaqohet për herë të parë me dorëheqjen e kryeministrit. Si do të trajtohet kjo do të tregojë forcën e institucioneve të Kosovës dhe gatishmërinë e zyrtarëve për t’iu përmbajtur Kushtetutës dhe ligjeve”, thuhet në reagimin e Ambasadës Amerikane në Prishtinë.
